brither, 'Thole ye, till I tak oot the mote frae yere ee!' and behauld! a caber is in yore ain ee!
5. "Pretender! oot wi' the caber frae yere ain ee first! and then may ye hae gude sicht to pu' the mote oot o' yere brither’s ee!
6. "Ye maunna gie holie things to dowgs; nor yet cast pearls afore swine; that they trauchle them-na aneath their feet, and than turn on ye and rive ya.
7. "Ask, and it sal be gien t'ye; seek, and ye sal hae; chap, and it sal be unsteekit t'ye.
8. "For ilk ane that asks obteens; and he fin's wha seeks; and till him wha chaps it sal be open't.
9. "And whatna man is amang ye, wha—gin his son asks for breid—wad gie bim a stane?
10. "Or, gin he asks a fish, wull he gie him a viper?
ll. "Gin ye, than, bein sinfu', ken hoo to be aye gien gude things till yere sin bairns, hoo muckle mair sal yere Faither wha is Aboon gie gude things to thee that ask 0' him!
12. "And sae, a' things whatsoe'er ye wad that men soud do till yersel, div ye do e'en sae tae them; for this is the bail Law and the Prophets.
13. "Gang ye in at the strett yett; for muckle is the yett, and braid is the causey, that leads on to destruction; and mony a ane gangs intil't!
14. "For strett is the yett, and crampit is the fit-road that airts awa to life; and but a wee wheen find it!
15. "Tak ye tent o' fause-prophets, whilk come t'ye in sheep's-cleedin, but i' the hinner-end are devoorin wolves!
16. "Ye may[1] ken them by their frutes. Dee folk gather grapes frae the thorns, or figs aman thrissles?
17. "E’en sae, ilka gude tree brings forth gude frute; but a fushionless tree brings forth ill frute.
18. "A gude tree winna bring forth ill frute; nor can a fusbionless tree gie gude frute.
19. "Ilka tree that brings-na forth gude frute is cuttit doon, and cuisten intil the fire.
20. "See by their frutes ye sal aye ken them.
21. "It isna ilka ane that cries oot 'Lord, Lord !' that gangs intil the Kingdom o' Heeven; but he that class the wull o' my Faither wha is in Heaven.
22. "Mony a ane wull say to me i' that day, 'Lord, Lord! prophesy't we-na i' thy name? And cuist-we-na oot demons i' thy name? And did-we—na mony ferlies i' thy name?'
23. "And than wull I confess till them, 'I never kent ye! Depairt frae me, ye that cairry-out wrang!"
24. "And sae ilka ane hearin and performin thir sayins o' mine, sal be iken’t till a wyss man, wha biggit his hoose on the rock.
25. "And the rain fell, and the spate cam, and the win’s blew and stormed again that hoose; and it fell-na, for it stude siccar on the rock!
26. "And ilka ane wha hears and dis-na thir sayins o‘ mine, sal be like till a sumph wha biggit his hoose on the sand:
27. "And the rain fell, and the spate cam, and the win’s blew and stormed again that hoose; and it whamml't ower; and muckle was the fa' o't!"
28. And it cam aboot, whan Jeeus had endit thir words, the folk war amazed at his teachin;
29. For he spak till them as ane that had anthoritie, and no like the Writers.
CHAPTIR AUCHT.
Intil Capernaum, whaur he draw: out sickness. 0ot on the Loch, whaur the storm was hauden in his neive!
AND whan he cam doon frae the mountain, great thrangs 0' folk follow't him.
- ↑ V. 16. And tak ye tent, that ither men ken you by your frutes, as weel! As a man acts and thinks, sae is the man!
