Page:The Lady of the Lake - Scott (1810).djvu/394

She prigged sae sair, and she prigged sae lang,
That he at the last gae her leave to gang.

"And thou sall come back whan the cock does craw,
For thou nae langer sall bide awa."

Wi' her banes sae stark, a bowt she gae;
She's riven baith wa' and marble gray.^[1]

Whan near to the dwalling she can gang,
The dogs they wow'd till the lift it rang.

Whan she came till the castell yett,
Her eldest dochter stood thereat.

"Why stand ye here, dear dochter mine?
How are sma brithers and sisters thine?"

"For sooth ye're a woman baith fair and fine;
But ye are nae dear mither of mine."

"Och! how should I be fine or fair?
My cheek it is pale, and the ground's my lair."

"My mither was white, wi' lire sae red;
But thou art wan, and liker ane dead."

"Och! how should I be white and red,
Sae lang as I've been cauld and dead?"

---

1. The original of this and the following stanza is very fine:
   "Hun sköd op sinè modigè been,
   Der revenedè muur og graa marmorsteen."
   "Der hun gik igennem den by,
   De hundè de tudè saa höjt i sky."