Min.) Now Sanders you muſt tell us how this child was gotten?
San.) A wow, Meſs John ſtir, ye have bairns o' your ain, how did you get them? but yours is a' laddies, an mine is but a laſſie, if you'll tell ne how ye got your laddies, I'll tell you how I got my laſſie, an then we'll be baith alike good o' the buſineſs.
The miniſter looks at him, hute, tute Saunders, lay down four pund and a groat, and come back to morrow to the ſtool and give ſatisfaction to the congregation, you had more need to be ſeeking repentance for that abominable ſin of uncleanneſs, than ſpeaking ſo to me.
San.) Than there is your ſiller ſtir, I hae gotten but poor pennyworths for't, and ye'll tell me te repent for’t, what the auld thief needs I repent, when I'm gaun te marry the woman: and then I'll hae to do 't o'er again every day, or they'll be nae peace in the houſe ; figs its nonſenſe to pay ſiller, repent and do it again too, a fine advice indeed maſter minſfter, and that is how ye live.
Wiſe Willie.) Now ſtir, you and maſter elders, ye manny put them on the black creepy till they be married: they've ſuffered enough at ae time.
A well a well, ſaid they, but they muſt marry very ſoon then.
I trow ſae ſays Sandy, ye'll be wanting mair clink, fule hate ye do for naething here.
Hame came Sandy, ſtarving o' hunger, ye might a caſten a knot on his lang guts, his mither was baking peaſe bannocks, up he gets a lump of her leaven into his mouth, auld thief be your haggies bag, Sandy kirk-fouks is ay greedy, ye been wi' the miniſter a' day, ye'd get a good lang grace, he might a gi'en you meat thou filthy dog it thou is, thou has the bulk of a little whalpie o' my leaven in your guts, it wada been four good bannocks and a ſcone, and a fair'd our Sandy's dinner, fae wad it een, but an ye keep a reeking houſe and a rocking cradle three eleven years as I have done, leſs o' that will fair ye yet, baggity beaſt it tu is, mair it I bore thee now, a hear ye that my dow.
